پانی اور خشکی پر 60 میل فی گھنٹہ کی رفتار سے چلنے پہلی اسپورٹس گاڑی متعارف https://ift.tt/ji6GJvN

 کراچی: دنیا کی پہلی  اسپورٹس گاڑی متعارف کرادی گئی جو پانی اور خشکی میں 60 میل فی گھنٹہ کی رفتار سے چلنے کی صلاحیت رکھتی ہے۔

ایسی سواری ایک عرصے تک تصورات اور سائنس فکشن میں ہی موجود تھی لیکن اب حقیقت کا روپ دھارچکی ہے۔

ہوور کرافٹ  طرز کی کانسپیٹ کار کی قیمت ایک لاکھ ڈالرمقرر کی گئی ہے، جو رواں سال مارکیٹ میں فروخت کے لیے دستیاب ہوگی، اس گاڑی کا خیال کوئی نیا نہیں بلکہ 1950 میں اس حوالے سے ایک خیال پیدا ہوا تھا، جس کو مختلف سائنس فکشن فلموں میں شامل بھی کیا گیا۔

سب سے دلچسپ بات یہ ہے کہ ہوور کرافٹ گاڑی بجلی سے چلے گی، جو رفتار کے معاملے میں فیراری ، ایم سی لارین اور بگاتی سے بھی تیز دوڑ سکتی ہے۔

وان مرسیئر امریکی انجینئر ہیں جنہوں نے اس گاڑی کا ڈیزائن پیش کیا اور بتایا کہ اس کی سیٹ ایسے بنائی گئی ہے کہ جب آپ گاڑی پر بیٹھیں گے تو ایسا محسوس ہوگا جیسے جنگی طیارے میں بیٹھ کر سفر کررہے ہیں۔

اس گاڑی کا ڈیشن بورڈ مکمل طور پر ڈیجیٹل ہے جبکہ اس میں پیٹرول انجن بھی ہے تاکہ مشکل کے وقت بھی اس کو چلایا جاسکے۔

The post پانی اور خشکی پر 60 میل فی گھنٹہ کی رفتار سے چلنے پہلی اسپورٹس گاڑی متعارف appeared first on ایکسپریس اردو.

from ایکسپریس اردو » سائنس/ٹیکنالوجی https://ift.tt/YpbAUfC
via IFTTT