چیٹ جی پی ٹی کی مقبولیت میں مسلسل کمی https://ift.tt/s9h4fxr

  واشنگٹن: اگست میں ایک رپورٹ آن لائن منظر عام پر آئی تھی جس میں انکشاف کیا گیا تھا کہ OpenAI کا چیٹ باٹ دیوالیہ ہونے کے دہانے پر ہے اور اس کی وجہ زیادہ آپریشنل اخراجات اور مختلف مفادات اس مسئلے کی بنیادی وجہ ہیں۔

میڈیا رپورٹس کے مطابق اپنے حریف مائیکروسافٹ کے بنگ چیٹ کی طرح  چیٹ جی پی ٹی بھی زوال پذہر ہے۔ بزنس انسائیڈر نے بھی اپنی رپورٹ میں لکھا کہ اگست لگاتار تیسرا مہینہ ہے جس میں چیٹ جی پی ٹی کی ویب سائٹ پر آنے والوں کی تعداد میں خاطر خواہ کمی واقع ہوئی ہے۔

اعدادوشمار کے مطابق آرٹیفیشل انٹیلی جنس کے چیٹ باکس کی مقبولیت میں پچھلے سال اور رواں سال کے آغاز میں کمی ہوتی دکھائی دے رہی ہے۔ چیٹ جی پی ٹی پر صارف کی جانب سے گزارا جانے والا اوسط وقت مارچ میں 8.7 منٹ سے کم ہو کر اگست میں 7 منٹ رہ گیا ہے۔

اگست میں چیٹ جی پی ٹی کی مقبولیت میں تیزی سے کمی آئی ہے۔ اگرچہ امریکا میں ویب سائٹ پر آنے والے صارفین کی شرح میں %0.4 اضافہ ہوا ہے تاہم  دنیا بھر میں %3 کی کمی واقع ہوئی ہے۔

علاوہ ازیں چیٹ جی پی ٹی امریکا کے فیڈرل ٹریڈ کمیشن (FTC) کے زیر تفتیش ہے۔ کمیشن اس بات کا تعین کرنے کی کوشش کررہا ہے کہ آیا OpenAI نے صارفین سے متعلق معلومات کے تحفظ کی خلاف ورزی کی ہے یا نہیں۔

The post چیٹ جی پی ٹی کی مقبولیت میں مسلسل کمی appeared first on ایکسپریس اردو.

from ایکسپریس اردو » سائنس/ٹیکنالوجی https://ift.tt/rTU1zou
via IFTTT