واٹس ایپ کال پر اپنا انٹرنیٹ ڈیٹا کیسے بچائیں؟ https://ift.tt/3hx9B0l

سلیکان و یلی: کورونا نے دنیا بھر میں ’ورک فرام ہوم‘ کے لفظ سے روشناس کرایا، لیکن  گھر سے کام کرنے کے نتیجے میں لوگوں کو سب سے زیادہ مسئلہ انٹرنیٹ کی وجہ سے پیش آیا۔ کسی کو انٹرنیٹ کی سست رفتار سے شکایت تھی تو کسی کو ڈیٹا بنڈل  کے جلد ختم ہوجانے کا ڈر۔ 

لاک ڈاؤن نے دوستوں اور عزیز و اقارب سے رابطوں کے لیے سوشل میڈیا خصوصاً واٹس ایپ پر ٹیکسٹ میسیجز، ویڈیو اور وائس کالز کے استعمال میں اضافہ کیا۔ جس سے واٹس ایپ پر انٹرنیٹ ڈیٹا زیادہ صرف ہونے لگا، لیکن واٹس ایپ نے وائس اور ویڈیو کال پر ڈیٹا بچانے کے لیے ایک مفید اور موثر فیچر بھی دے رکھا ہے جسے شاید بہت کم لوگ جانتے ہیں۔

زیر نظر مضمون میں ہم آپ کو بتائیں گے کہ ویڈیو اور وائس کالز کے دوران ڈیٹا کو کیسے بچایا جاسکتا ہے۔ تاہم واٹس ایپ کے اس فیچر کو استعمال کرنے کے لیے اس بات کو یقینی بنائیں کہ آپ کا واٹس ایپ اینڈرائیڈ ورژن 2.21.12.21 اور آئی او ایس ورژن  iOS-2.21.130.15 پر اپ ڈیٹ ہو۔

1۔ اپنے اسمارٹ فون پر واٹس ایپ کھولیں۔

2۔ ایپ کے اوپر سیدھے ہاتھ پر موجود تین عمودی نقطوں (ورٹیکل ڈاٹس) پر کلک کر کے سیٹنگس میں جائیں۔

3۔ اسٹوریج اور ڈیٹا آپشن پر کلک کریں۔

4۔ “Use less data for calls”  کے آپشن پر جاکر اسے فعال کریں۔

بالکل یہی طریقہ کار iOS کے لیے بھی استعمال کریں، لیکن آئی فون میں آپ براہ راست واٹس ایپ  کی ہوم اسکرین سے  سیٹنگس میں جا سکتے ہیں۔

The post واٹس ایپ کال پر اپنا انٹرنیٹ ڈیٹا کیسے بچائیں؟ appeared first on ایکسپریس اردو.

from ایکسپریس اردو » سائنس/ٹیکنالوجی https://ift.tt/3e6rBwa
via IFTTT