خلا میں ’اگلی نسل کے‘ چینی خلائی لباس کی عملی آزمائش https://ift.tt/3dQgCH8

بیجنگ: گزشتہ ماہ چینی خلائی اسٹیشن ’تیانگوگ‘ پہنچنے والے خلانوردوں نے اتوار کے روز پہلی بار خلا میں چہل قدمی کی، جبکہ چینی ماہرین کے بنائے ہوئے جدید ترین خلائی لباس کی آزمائش بھی کی۔

چینی خلانورد، جنہیں ’’تائیکوناٹس‘‘ (Taikonauts) کہا جاتا ہے، تیانگونگ خلائی اسٹیشن میں اپنے حالیہ قیام کے دوران مختلف سائنسی تجربات انجام دینے کے علاوہ وہاں کچھ خصوصی آلات نصب کرنے کا کام بھی کر رہے ہیں تاکہ منصوبے کے مطابق اس خلائی اسٹیشن کی تعمیر اگست 2022 تک مکمل ہوسکے۔

یہ خبریں بھی پڑھیے:

• چین بھی 2033 تک انسانوں کو مریخ پر بھیجے گا
• شینژو 12 مشن نے چینی خلانوردوں کو خلائی اسٹیشن میں پہنچا دیا

واضح رہے کہ چینی خلائی اسٹیشن تیانگونگ کا مرکزی حصہ جہاں تین خلانورد رہ سکتے ہیں ’’تیانہے کور ماڈیول‘‘ کہلاتا ہے۔ گزشتہ ماہ تیانگونگ خلائی اسٹیشن پہنچنے والے تینوں چینی خلانورد وہیں مقیم ہیں۔

اتوار کے روز ان میں سے دو خلانوردوں نے خلائی اسٹیشن سے باہر نکل کر کچھ دیر خلا میں چہل قدمی کی جبکہ تیانگونگ کے بیرونی حصے میں کچھ آلات بھی نصب کیے جو گزشتہ ماہ پرواز کے دوران وہ اپنے ساتھ لائے تھے۔

The post خلا میں ’اگلی نسل کے‘ چینی خلائی لباس کی عملی آزمائش appeared first on ایکسپریس اردو.

from ایکسپریس اردو » سائنس/ٹیکنالوجی https://ift.tt/3dQ2ZYK
via IFTTT