اینڈرائیڈ 14 میں اہم فیچر شامل کیے جانے کا امکان https://ift.tt/Xaz13Do

کیلیفورنیا: اینڈرائیڈ اسمارٹ فونز میں آئی او ایس کی طرح بیٹری کی صحت کے متعلق معلومات فراہم کرنے کا فیچر موجود نہیں ہے۔تاہم، اینڈرائیڈ کی جانب سے اپنے صارفین کے لیے مستقبل قریب میں متعارف کرائے جانے والے اینڈرائیڈ 14 کے حتمی ورژن میں فون کی بیٹری کی صحت کے متعلق فیچر شامل کیے جانے کا امکان ہے۔

سابق ایکس ڈی اے-ڈیویلپرز کی ای آئی سی مشال رحمان نے انکشاف کیا ہے کہ گوگل نے اینڈرائیڈ 14 کے بِیٹا ورژن میں کچھ نئے بیٹری منیجر اے پی آئیز شامل کیے ہیں۔

ان اے پی آئیز میں دو پبلک اے پی آئیز ہیں جو بیٹری کی چارجنگ کے حوالے سے معلومات فراہم کریں گے۔ جبکہ باقی سسٹم اے پی آئیز ہیں جو ڈیوائس کے بننے کی تاریخ، پہلی بار استعمال کی تاریخ، چارجنگ پالیسی اور صحت کے متعلق رپورٹ دیں گے۔

فی الحال یہ اے پی آئیز صرف ان پکسل ڈیوائسز میں چل رہے ہیں جن میں اینڈرائیڈ 14 بِیٹا 2 یا اس سے نیا آپریٹنگ زیرِ استعمال ہے۔

The post اینڈرائیڈ 14 میں اہم فیچر شامل کیے جانے کا امکان appeared first on ایکسپریس اردو.

from ایکسپریس اردو » سائنس/ٹیکنالوجی https://ift.tt/HMJ4rDo
via IFTTT