پاکستانی سائنس دان امریکی یونیورسٹی میں پہلی خاتون ڈین مقرر https://ift.tt/eA8V8J

کیمبرج: پاکستان سے تعلق رکھنے والی معروف فلکی طبیعیات داں نرگس ماولوالا کو میسا چوسٹس انسٹیٹوٹ آف ٹیکنالوجی کے اسکول آف سائنس کی ڈین مقرر کردیا گیا ہے۔

عالمی خبر رساں ادارے کے مطابق امریکا کی عالمی شہرت یافتہ نجی ریسرچ یونیورسٹی ’’ میساچوسٹس انسٹیٹیوٹ آف ٹیکنالوجی‘‘ (MIT)کے اسکول آف سائنس کی ڈین کے لیے معروف پاکستانی سائنس دان نرگس ماولوالا کی تقرری کی گئی ہے۔

میسا چوسٹس انسٹیٹیوٹ آف ٹیکنالوجی کی تاریخ میں پہلی بار کسی خاتون کو اسکول آف سائنس کی ڈین مقرر کیا گیا ہے اور یہ اعزاز 52 سالہ پاکستانی سائنس دان نرگس ماولوالا کے حصے میں آیا ہے۔

نرگس ماولوالا نے ابتدائی تعلیم کراچی میں مکمل کی اور 1986 میں امریکا چلی گئی تھیں جہاں انہوں نے فلکیات میں گریجویشن کی اور ایم آئی ٹی  سے طبیعیات میں پی ایچ ڈی کرنے کے بعد اسی ادارے میں درس و تدریس اور تحقیق سے وابستہ ہوگئی تھیں۔

نرگس ماولوالا 2002 سے میساچوسٹس انسٹیٹیوٹ سے وابستہ ہیں تاہم انہیں عالمی شہرت  کشش ثقل کی لہروں کا پتہ لگانے کے لیے ایک پروٹو ٹائپ لیزر انٹرفرومیٹر بنانے کے بعد ملی تھی۔

The post پاکستانی سائنس دان امریکی یونیورسٹی میں پہلی خاتون ڈین مقرر appeared first on ایکسپریس اردو.

from ایکسپریس اردو » سائنس/ٹیکنالوجی https://ift.tt/2CDpW1V
via IFTTT