فیس بک ’ میٹا ورس‘ کے لیے 10 ہزار افراد کو ملازمت فراہم کرےگا https://ift.tt/eA8V8J

کیلیفورنیا: فیس بک اپنے نئے کمپیوٹنگ پلیٹ فارم ’ میٹا ورس‘ کے لیے یورپ سے 10 ہزار افراد کو ملازمت فراہم کرےگا۔

خبر رساں ایجنسی ایسوسی ایٹڈ پریس کے مطابق فیس بک نے گزشتہ دنوں  ورچوئل ریئلیٹی اور آگمینٹڈ ریئلٹی کے اشتراک سے انٹرنیٹ صارفین کو باہمی طور پر غیر مرئی طور پر مربوط کرنے والا جدید کمپیوٹنگ پلیٹ فارمز ’ میٹا ورس‘ متعارف کرایا تھا۔ اور یہ نئی بھرتیاں بھی اسی سلسلے کی ایک کڑی ہوں گی۔

فیس بک کی جانب سے شائع ہونے والے بلاگ کے مطابق اگلے 5 سالوں میں یورپی یونین سے 10 ہزار افراد کو بھرتی کیا جائے گا اور یہ ہائی اسکلڈ ملازمین ’ میٹاورس‘ کی تشکیل میں مدد کریں گے، جس میں لوگوں کو ورچوئل اور آگمینٹڈ ریئلٹی کی مدد سے غیر مرئی طور پر ایک دوسرے سے مربوط کرنے کا وعدہ کیا گیا ہے۔

واضح رہے کہ فیس بک کی اس نئی پراڈکٹ کو پرائیویسی کے تحفظات کا خدشہ ہے۔ اس بارے میں ناقدین کا کہنا ہے کہ میٹا ورس جیسے پلیٹ فارمز سے سوشل میڈیا لوگوں کی آن لائن زندگیوں پر زیادہ سے زیادہ کنٹرول حاصل کر رہا ہے۔  جب کہ فیس بک کی جانب سے میٹاورس کو موبائل انٹرنیٹ کے بعد ٹیکنالوجی کے میدان میں سب سے اہم پیش رفت قرار دیا جا رہا ہے۔

The post فیس بک ’ میٹا ورس‘ کے لیے 10 ہزار افراد کو ملازمت فراہم کرےگا appeared first on ایکسپریس اردو.

from ایکسپریس اردو » سائنس/ٹیکنالوجی https://ift.tt/30tgVUw
via IFTTT